მეექვსე ეპიზოდში, “A man without honor”, წინა ეპიზოდებთან შედარებით ყურადღება პერსონაჟების განვითარებაზე, დიალოგებზე, ურთიერთობებზე იყო გადატანილი. ზოგიერთისთვის შეიძლება ეს სერია მომაბეზრებელიც ყოფილიყო. რას ვიზამთ, ხოცვა-ჟლეტის გარეშე ვერ ძლებს მაყურებლის რაღაც კატეგორია. რაც შემეხება მე, ჩემთვის ეს სერია ერთ-ერთი ყველაზე საინტერესო იყო. მთელი ეპიზოდი აგებული იყო one-on-one სცენებზე და წყვილებიც გენიალური იყო. სერსეი და ტირიონი. კატი და ჯეიმი. ჯონი და იგრიტი. და რა თქმა უნდა, არია და ტაივინი. ორმოცდაათი წუთი მარტო მამა ლანისტერის და პატარა სტარკის დიალოგი რომ იყოს, არ მომწყინდება.

სერსეი & ტირიონი – საოცრად ემოციური სცენა იყო. მთელი სეზონი ვუყურებდით როგორ ცდილობდნენ და-ძმა ერთმანეთს კისერში წვდენოდნენ. ბოლო სერიაში კი მათი ურთიერთობა სულ სხვა მხრიდან დაგვანახეს. შეშინებული სერსეი, რომელიც ფიქრობს რომ ჯოფრის სისასტიკე სასჯელია მისი და ჯეიმის ცოდვებისთვის. ჭკუიდან შეშლილი ტარგარიანების გვარი კიდევ უფრო მეტ სანერვიულო მიზეზს აძლევს დედოფალს. ტირიონმა კი სცადა მისი დამშვიდება, სამიდან ორი ნორმალური გყავსო, მაგრამ ეს არ აღმოჩნდა საკმარისი. როგორ გინდა არ გაუგო სერსეის. ჯოფრის მსგავსი შვილი ნებისმიერ დედად გაუხეთქავდა გულს. უკვე ხვდება, რომ შვილისთვის გვირგვინის ჩაგდებით კიდევ უფრო დიდი გაქანება მისცა მის სისასტიკეს და ძალიანაც უნდა, რომ მისი კონტროლი შეეძლოს. ნუ შეუძლია კიდეც ბევრი რამ სერსეის, მაგრამ აქ კიდევ მეორე მომენტია. რა დესპოტიც არ უნდა იყოს ჯოფრი, ის მისი შვილია და ეს რამდენს ნიშნავს დეოფლისთვის სანსასთან დიალოგშიც გამოჩნდა. მაგრამ მაინც არ მგონია კიდევ დიდხანს იტანოს ეს სიტუაცია.

კატი & ჯეიმი – მთელი სეზონი მაკლდა ჯეიმი. აი რაღაც სხვანაირი, witty ცინიზმი აქვს. მეშვიდე ეპიზოდის სახელი ალბათ პირველ რიგში სწორედ მას ეხებოდა, მაგრამ თქვენი არ ვიცი და მე ასე ბოლომდე უღირს კაცადაც ვერ ვაცხადებ ჯეიმის. ჯერ ეს kingslayer-ის ყვირილი ყოველ მის დანახვაზე ამოვიდა ყელში. გიჟი მეფე მოკლა , დიდი ამბავი. ნუ ერთადერთი მომენტი, როდესაც ნამდვილად გამაცოფა ჯეიმიმ ბრანისთვის ხელის კვრის მომენტი იყო და იმის მერე ბევრი დრო გავიდა. რა წარბისშეუხრელად გადაიყვანა ჭკუიდან ქალბატონი სტარკი. გენიალური საყურებელი იყო, როგორ ნელ-ნელა აწყვეტდა ნერვებს. თუმცა იმედი მაქვს ეს ყველაფერი შემდეგ სერიაში თავის დაკარგვად არ დაუჯდება.

ჯეიმის და სერ ალტონ ლანისტერის სცენაც რომ არ ვახსენო არ გამოვა. პირველივე წამზე მივხვდი რომ სერ ალტონს კარგი დღე არ დაადგებოდა. ჯეიმიმ მტაცებელი ცხოველივით ნელ-ნელა დაუწყო მიპარვა და სანამ თავს გაუჩეჩქვავდა თავის ნათესავს, მისი ხანგრძლივი fangirling-ის მოსმენაც მოუწია. მსახიობზე შეყვარებული თინეიჯერი გოგოსავით ლაპარაკობდა ალტონი და გულიანადაც გამეცინა

ჯონ სნოუ & იგრიტი – You don’t know anything , Jon Snow! შეიძლება ითქვას იგრიტმა გვაჩვენა პატარა ტუტორიალი, როგორ გავაწითლოთ გამოცდელი ჯონი და გავერთოთ მისი დაცინვით. წინა პოსტში ვამბობდი, სულელია რომ არ მოკლა მეთქი. კი გაეხვა შარში, როგორ ბოლოს ვნახეთ, მაგრამ ამ წუთას ბედნიერი ვარ, რომ იგრიტს თავი მხრებზე შერჩა.

Ygritte: It don’t have teeth.

დაენერისი & სერ ჯორაჰ – ბატონი მორმონტი ძალიან მესიმპათიურება და დანისთან მისი სცენებიც ასე თუ ისე, იმსახურებს ინტერესს. ნუ ტარგარიანზე რომ შეყვარებულია, ამაში თავიდანვე არ შემპარვია ეჭვი. აი დანი რატომ არ ენდობა , მაინც ვერ ვხვდები. და ის უცნაური ქალი რას გულისხმობდა, კიდევ უღალატებო? მე გამომრჩა რამე ?

ზოგადად ქარსს რაც შეეხება, უკვე მომბეზრდა თავისი ზაროთი, არარეალურად მახინჯი ვორლოკებით და დრაკონებით. ზაროს უცებ გამეფებამაც კი ვერ გამიღვივა რაიმე ინტერესი. იმედია ცოტა ტემპს მოუმატებენ ამ საკითხში, თორემ ერთფეროვანი ხდება დანის გარშემო სიტუაცია.

სანამ ეპიზოდის ფავორიტ დუეტზე გადავალ, თეონ გრეიჯოის ოჯახობა რომ არ “მოვუკითხო”, უბრალოდ არ გამოვა. ნუ ამ ბიჭს თუ შეეძლო უფრო delusional გამხდარიყო არ მეგონა. საოცრად არის “მე მამიკოს დავუმტკიცებ რომ მაგარი ბიჭი ვარ” როლში შეჭრილი და ჰგონია რომ მართლა რაღაცას წარმოადგენს. ოჰ როგორ მინდა მალე ჩამოამხონ ეგ ილუზიები თავზე. ბოლოს ორი დამწვარი ბავშვის გვამზე გული შემწიუხდა. ასი პროცენტით ვარ დარწმუნებული, რომ არცერთი მათგანი არ იყო სტარკი, მაგრამ ის ფაქტი, რომ ხალხითვის რაღაცის დასამტკიცებლად ვიღაც სხვა ბავშვები გამოასალმეს სიცოცხლეს, გულს მირევს.

არია & ტაივინი – ამ ორ პერსონაჟს შორის დიალოგის ყველა წამი უბრალოდ გენიალურია. ორივეს აქვს სიმპათიები ერთმანეთის მიმართ. ორივე აფასებს ერთმანეთის ჭკუას და გამჭრიახობას, მაგრამ ამავდროულად სულ ფხიზლად არიან. არიას არ ავიწყდება, რომ ტაივინ ლანისტერი მისი მტერია. მამა ლანისტერი დარწმუნებული ვარ ხვდება, რომ არია თავის წარმოშობაზე ყველაფერს ატყუებს. რამდენად მივიდა იმ დასკვნამდე, რომ პატარა გოგო სტარკების ოჯახიდანაა არ ვიცი, მაგრამ “მამაჩემი ქვის მთლელია და კითხვა თავისით ისწავლა” თეორიას რომ არ იჯერებს , დარწმუნებული ვარ. ტაივინი ალბათ იმასაც ფიქრობს, ნეტავ ყველა ლანისტერი ამ პატარა გოგოს მსგავსი იყოსო.

Arya : ” I eat a lot. I just don’t grow.”

Arya: “Most girls are idiots.”

ეპიზოდის კიდევ ერთი პლიუსი ჩემთვის : სტანისი არ გამოჩენილა და არც მერვე სერიის პრომოში მომიკრავს თვალი. შემდეგ კვირას მოვლენები აშკარად უფრო მწვავდება და მხოლოდ წყნარ დიალოგებს არ უნდა ველოდოთ. ერთ კვირაში შევხვდებით ^

სტივენ კინგი უბრუნდება მის ერთ-ერთ ყველაზე პოპულარულ ნაწარმოებს, “ნათებას”. ახალი წიგნის მთავარი პერსონაჟი საშუალო ასაკს მიღწეული დენი (Dan Torrance) იქნება. მან უნდა გადაარჩინოს 12 წლის გოგონა პარანორმალური მკვლელების დაჯგუფებისაგან. ეს ტომი, რომელსაც The True Knot-ს ეძახიან , მოგზაურობს ამერიკის მაგისტრალებზე და “საკვებს” ეძებენ. ისინი ერთი შეხედვით უწყინარები არიან. ძირითადად მოხუცები. თუმცა როგორც დენმა იცის, ისინი კვაზი-უკვდავები არიან და ცხოვრობენ იმ “ენერეგიით”, რომელსაც ბავშვები გამოყოფენ ნელი და ხანგრძლივი წამების შედეგად.

შემდეგ დენი ხვდება აბრა სტოუნს, რომელსაც აქამდე არნახული, ძლიერი ნათება აქვს. ეს ნათება აღვივებს დენის დემონებს და მოუხმობს მას, რომ იბრძოლოს აბრას სულის გადარჩენისათვის. ეს იქნება ეპიკური ბრძოლა კეთილსა და ბოროტს შორის, რომელიც აღაფრთოვანებს როგორც “The Shining”-ის ერთგულ მკითხველს, ასევე მათაც ვინც პირველად მოხვდება კინგის სამყაროში.

დარწმუნებული ვარ, რომ კინგის ნოველა ძალიან საინტერესო იქნება და ფილმიც კარგი გამოვა. მაგრამ ეჭვი მეპარება მან როდესმე “The Shining”-ის ჩრდილიდან გამოაღწიოს. კუბრიკის ფილმი საშინელებათა ჟანრის შედევრია და ძნელი იქნება მის დონემდე მიახლოებაც კი. სი სტენლი რომ ცოცხალი იყოს და ამ ეკრანიზაციას ის იღებდეს მაშინ საქმე სხვაგვარად იქნებოდა. თუმცა წინასწარმეტყველებებს მოვეშვათ და ჯერ-ჯერობით ახალ წიგნს დაველოდოთ.

შეიცვალა ფილმის რეჟისორიც. გერმანელი რობერტ შვენკეს ნაცვლად მეორე ფილმს ამერიკელი დინ პარისო გადაიღებს. მისი რეჟისურითაა გადაღებული ისეთი სერიელბის ეპიზოდები, როგორებიცაა “Modern Family”, “The Good Wife”, “Monk” , “ER” და სხვები. რაც შეეხებათ სცენარის ავტორებს, ისინი უცვლელად რჩებინ, რაც ნიშნავს რომ სიქველშიც უნდა ველოდოთ იუმორის და ექშენის კარგ ნაზავს.

ფინალური სეზონი – სერიალები, რომლებიც წელს ამთავრებენ მოღვაწეობას
განახლდა - სერიელები, რომლებიც დაბრუნდებიან ახალი სეზონებით
სავარაუდოდ განახლდება – სერიალები, რომლებიც ჯერ არ განუახლებიათ, მაგრამ სავარაუდოა რომ განაახლებენ
დაიხურა - სერიალები, რომლებიც აღარ დაბრუნდებიან ახალი სეზონებით
სავარაუდოდ დაიხურება – სერიალები, რომლებიც ჯერ არ დაუხურიათ, მაგრამ სავარაუდოა რომ დახურავენ
სტატუსი უცნობია – ამ სერიალების მომავალი უცნობია და საშუალო რეიტინგი აქვთ

სიახლეები 12.05.2012
ABC-მ განაახლა Private Practice, Apartment 23, Body of Proof, Last Man Standing, Scandal, Happy Endings
ABC-მ დახურა GCB, Pan Am, The River, Missing
NBC-მ დახურა Harry’s Law, Chelsea, Awake, Bent, Best Friends Forever
CW-მ დახურა Ringer, Secret Circle;
CW-მ განაახლა Nikita, Gossip Girl, Hart of Dixie
NBC-მ განაახლა The Office, Parks and Recreation, Up All Night, Whitney

იყო და არა იყო არა , ღვთის უკეთესი რა იქნებოდა. რა და ჯოფრის სახეში მოხვედრილი ტალახი. ნუ ძნელი იყო ამ მომენტში ბედნიერება არ გეგრძნო ადამიანს. თუმცა ეს საკმარიის არ იქნებოდა ტირიონს ხელიც რომ არ შემოარტყა თავის pain in the ass დისშვილისთვის. ნუ ეს ყველაფერი უფრო შემერგებოდა გაცეცხლებული ბრბოს საქციელი რომ არა. ძნელია მათიც არ გაიგო. შვილები მშივრები უკვდებათ და თან ჯოფრის თვითკმაყოფილი სახის ყურება უწევთ, მაგრამ აი იმ ქალის (კაცის?) გაგლეჯვის სცენამ ბოლომდე შემძრა. რომ გავიფიქრებ, აი ამაზე უარესს ამ სერიალში ვერაფერს მაჩვენებენ მეთქი, მაშინვე მიმტკიცებენ რომ სასტიკად ვცდები. ასეთი შეშინებული ტირიონი აქამდე არ გვინახავს.

ლანისტერების თემა გავაგრძელოთ. მარსელა გაუყენა გზას ტირიონმა და სერსეის მუქარებსაც უსმინა. სავარაუდოდ მალე შეიტყობს დედოფალი ჯუჯა ძამიკოს გატაცების შესახებ და არ მგონია შეის, რომელიც ნელ-ნელა სანსას უახლოვდება, კარგი დღე დაადგეს.

საოცარი მიმიკები ჰქონდა ტირიონს როცა სანსას თვალი ვეღარ მოკრა. პიტერ დინკლიჯს ყველა არსებული ჯილდო ერთად ეკუთვნის. არანაკლებ გენიალური იყო ამ სერიაში სოფი ტერნერიც. არეულობის დაწყების მომენტიდან გაუპატიურების მცდელობის ჩათვლით , ყველაფერი იდეალურად ითამაშა. მიუხედევად იმისა, რომ სანსა ჩემი ფავორიტი სტარკი ნამდვილად არ იყო პირველ სეზონში, ნამდვილად საჭიროზე მეტად ისჯება უკვე. აღარ მინდა დიდხანს იყოს ჯოფრის ტყვეობაში.

ტირიონის მერე ყველაზე მეტად ტაივინ ლანისტერი იმსახურებს ჩემს სიმპათიას. არ ვიცი, ამ კაცს ჯერ თავისი კლანჭები არ გამოუჩენია თუ არა, მაგრამ ამ ექვს სერიაში რასაც ვუყურებ, მომწონს. მაგრამ არ უნდა დაგვავიწყდეს, რომ სერსეი და ჯეიმი მისი შვილები არიან და ამ ორის შვილი კიდე ჯოფრია. ასე რომ, მამა ლანისტერის ნამდვილი სახე როგორი იქნება, არავინ არ იცის.

საოცარი სცენებია ტაივინის და არიას დიალოგები. ამ სეზონში ალბათ ყველაზე მეტად ამ ორი პერსონაჟის “დაწყვილებით” ვარ კმაყოფილი. თუ მათ ლორდ ბეილიშს დავუმატებთ, მივიღებთ გენიალურ ტრიუმვირატს და სცენას, რომელიც ბევრი სხვა სერიალის მთლიან სეზონს უდრიდა. როგორ “ცეკვავდა” არია ლითელფინგერის გარშემო, როგორ აყოლებდა ბეილიში თვალს … საოცრად დაძაბული ვუყურებდი. კიდევ ერთხელ ყოჩაღ მეისი უილიამსს !

არია რომ ერთ-ერთი ყველაზე მოხერხებული და ჭკვიანი სტარკია, დიდი ხნის წინ დამტკიცდა. ტაივინის მაგიდიდან წერილის მოპარვა ერთდორულად კარგი იდეაც იყო და ცუდიც. კინაღამ შარში გაეხვა. რომ არა Jaqen (ჯერ კიდევ არ ვარ დარწმუნებული როგორ უნდა დავწერო ეს ქართულად. ჯაკენ? ), ვერც გადარჩებოდა. არიამ მეორე ჯადოსნური კაკალიც გამოიყენა და მის დასაბეზღებლად წასული კაცი (სახელი ნამდვილად არ მახსოვს ) უგონოდ დაეცა ტაივინის ფეხებთან. ასე გულიანად ამ სერიალზე ნამდვილად არ გამცინებია. ნელ-ნელა უფრო და უფრო მომწონს ჩვენი უცნაური Jaqen H’ghar.

რობი ამ დროს ტალისასთან ფლირტით არის დაკავებული, თუმცა როგორც კი კეტმა ეს შეამჩნია, მაშინვე მოვალეობები შეახსენა შვილს. თუმცა ამის გარეშეც არ დარჩებოდა დიდი დრო რობს ახალ გატაცებაზე საფიქრელად, რადგან ცნობები მოვიდა, რომ ვინტერფელი გრეიჯოიმ მიისაკუთრა. დიდი სიამოვნებით ვუყურებ როგორ ჩამოკიდებს თეონს გენიტალიებით.

თუ არია “ჭკვიანი” სტარკია, ნედ სტარკის ორი “კვაზი” შვილი ნამდვილად არ გამოირჩევა განსაკუთრებული მახვილგონიერებით. ნაბიჭვარ ლორდ სნოუს არ ეყო ძალა რომ უცხო გოგოსთვის რიჟა თავი წაეგდებინებინა. ჯონ, კეთილშობილებამ და Moral high-ground -მა სად მიიყვანა მამაშენი არ გახსოვს? სნოუ მოეშვი ლორეალის რეკლამირებას მაგ ხვეული თმებით და man the hell up.

მეორე “კვაზი” სტარკიც არ გამოდგა თავის წაცლაში ნიჭიერი, მაგრამ ბოლოს მაინც მოახერხა. მაგრამ ვაი, რომ თეონ გრეიჯოი სნოუზე უფრო დიდ პრობლემებს უქმნის თავის თავს. რამდენ ხანს შეინარჩუნებს ახლადმიღებულ ტიტულს არ ვიცი. ტიპი, რომელსაც kitchen slut-მა, ოშამ აჯობა ჭკუით და ერთადერთი ბერკეტი, სტარკის შვილები ცხვირწინ ააცალა.

(პ.ს. გახდილი ნიმფადორა ტონქსი ჩემს “ბავშვობას” მწარედ მოხვდა. :დ )

ისიც უნდა ითქვას, რომ სერ როდრიკის თავის მოკვეთის სცენაში ძალიან კარგად ითამაშა ალფი ალენმა. ცოტა უნიათო მსახიობის შთაბეჭდილებას ტოვებდა აქამდე. რაღაც “недоделанный” ჰაბიტუსი აქვს და ცუდად მხდის. როდრიკის “I’m off to see your father.”-ზე გამაჟრიალა კიდეც. და მეც იგივე მინდა ვუთხრა თეონს, რაც ზემოთხსენებულმა სერმა:

“Gods help you, Theon Greyjoy. Now you are truly lost.”

ბოლოს უშვილებოდ დარჩენილი “დრაკონების დედაც” მოვიხსენიოთ. დანი ცდილობს სპონსორი იპოვოს და შვიდ სამეფომდე ჩამოაღწიოს, მაგრამ მისი ოცნებების დაფინანსებით ჯერ ვერავინ მოხიბლა. Xaro-ს კი ცოლად არ მიჰყვება. ამ უკანასკნელის და Spice king-ის დიალოგი ძალიან კარგი იყო.

სამართლიანობა მოითხოვს აღვნიშნო, რომ დანის სცენები უკვე მბეზრდება. ბევრად უფრო კარგი საყურებელი იყო, როცა დროგო და დოთრაქიელები ჰაყვდა გვერდით. ერთფეროვნება შეეპარა უკვე ტარგარიანების შთამომავლის სიტყვებს. გავიგეთ, რომ რაც მისია იმას მიიღებს ცეცხლით და სისხლით. გავიგეთ !

დღეისთვის სულ ეს იყო. ერთი კვირის შემდეგ შევხვდებით. ^

ფილმი გრძელდება 2 სთ და 30 წუთი,მაგრამ სხვანაირად არც შეიძლება ყოფილიყო,რადგან ეს არის ევროპული ფილმი,ეს არის ჟაკო ვან დორმალის ფილმი და ეს არის ფილმი რომელზე მუშაობდნენ მთელი 10 წელი..

ფილმი რა თქმა უნდა ერთი შეხედვით და უფო მეტითაც ჩახლართულად მოგეჩვენება,და ეს რა თქმა უნდა ადეკვატური რეაქცია იქნება,ფილმის სცენარი,ბევრ უადგილო ეპიზოდს თუ არ ჩავთვლით ,მაინც საკმაოდ ჩახლართულია,მაგრამ ყურების პროცესში ფილმიც უფრო მკაფიო ხდება სინათლის მომფენი არის, შეიძლება ითქვას ფილმის ბოლო 5 წუთი…თუ რა როგორ და რატომ ,არ შევუდგები ახსნას,შესაბამის მიზეზთა გამო..

ფილმში ჯარედ ლეტოს ლამაზი თვალების გარდა უხვად ნახავთ საინტერესო ფრაზებს ,ამიტომ თუ ფილმის ყურებას გადაწვეტთ ფურცელი და ფანქრით“შეიარაღდით“,ნებისმიერი კატეგორიის ადამიანი იპოვის რაიმეს თავისთვის-ფრაზებთან ერთად ბევრ საინტერესო,ემოციურ და კარგ სცენებსაც

ყველა ღირსებასთან ერთად შეუძლებელია ყურადღება არ მიექციოს ფილმის საუნდტრეკებს,რომელიც ჩემი აზრით საინტერესო სცენარის და ჯარედ ლეტოს თვალების მიუხედავად წარმოადგენს ნახევარ ფილმს.ეს საუნდრეკები რა თქმა უნდა საუკუნეებს გაუძლებს და შეიძლება უფრო მეტსაც.

მიუხედავდ იმისა ,რომ ფილმი ჩავარდა კინოგაქირავებაში,მიუხედავად იმისა რომ ის არ გახდა მასიურად პოპულარული,ეს საკმაოდ კრეატიული არტ-ჰაუსის ნიმუში თავისი ჩახლართული ,ცოტა ბუნდოვანი სცენარით,შესანიშნავი საუნტრეკით ჩაგითრევთ სრულიად ნემოს სამყაროში..

ფილმი არ არის სრულყოფილი,მაგრამ სწორედ ეს ხდის მას სრულყოფილზე უკეთესს….

ის რომ არია არ ცდება, სერიის დასაწყისშივე ვნახეთ. წინა ეპიზოდის დასასრულის შემდეგ უკვე ყველა მიხვდა, რომ რენლი ბარათეონი სამეფო თამაშებს გამოეთიშებოდა. თუმცა ასე უცებ თუ გაისტუმრებდნენ იმქვეყნად, ნამდვილად არ მეგონა. მიუხედავად იმისა, რომ რენლი მესიმპათიურებოდა, მისმა სიკვდილმა აშკარად უფრო საინტერესო გახადა სიუჟეტი. მივიღეთ შურისძიების იდეით შეპყრობილი ორი ადამიანი, ლორასი და ქალი რაინდი, Brienne of Tarth, რომლის კატთან დადებულმა შეთანხმებამ ძალიან დამაინტრიგა. ორი საკმაოდ ძლიერი ქალი, ერთი ფიზიკურად და მეორე ხასიათით. ამათ მტრობას ნამდვილად არ ვისურვებდი.

( პ.ს. Gwendoline Christie, ბრიენის როლის შემსრულებელი 191 სმ-ია სიმაღლეში. იდეალურად არის მორგებული პერსონაჟს. )

ახალ ეპიზოდში ბევრი პერსონაჟი დადგა მნიშვნელოვანი გადაწყვეტილების წინ. დაიანერისი, რომელმაც უნდა გადაწყვიტოს, შვიდი სამეფოს ტახტისთვის ისევ მარტომ გააგრძელოს ბრძოლა, თუ Qarth-ში გაცნობილ, მასპინძელ Xaro-სთან ერთად. პირადად მე თუ მკითხავთ, კალისის ურჩევნია თავისი დრაკონები და სერ ჯორაჰ იკმაროს. წინა პოსტში ვთქვი, საინტერესო იქნება იმის ნახვა , თუ რა ხდება ამ მდიდარი ქალაქის გალავნის შიგნით მეთქი და არც ვცდებოდი. აი ვორლოკმა ცოტა არ იყოს შემაშინა თავისი ზედმეტად უცნაური გარეგნობით.

(პ.ს. დრაკონების გამოკვების სცენა adorable იყო. მითუმეტეს ჩემნაირებისთვის, ვისთვისაც დრაკონები ზოგადად სუსტი წერტილია. )

სტანისმა გადაწყვიტა შვიდ სამეფოს მელისანდრას გარეშე მიადგეს. როგორ გაუხარდება შავი აჩრდილის დედიკოს ეს ფაქტი არ ვიცი. ბარათეონის ადგილას მე ღამე მშვიდად ვერ დავიძინებდი.

ჯონ სნოუს ოცნება აუსრულდა და რეინჯერი გახდა. საინტერესო იქნება მისთვის და მისი დავალებისთვის თვალის მიყოლება. ჯერ მარტო ულამაზესი თოვლიანი ბუნების გამო მიყვარს ჩრდილოეთის სცენები.

რკინის კუნძულებს მივაკითხოთ და გრეიჯოის ოჯახს დავხედოთ. შემიკლა თეონმა თავისი Daddy Issues -ით. საშინლად მერყევი ხასიათი აქვს და ნერვებზე მოქმედებს. საერთოდ არ მომწონს არცერთი გრეიჯოი და აშკარად Iron Island-ელები გახდებიან ჩემი საყვარელი პერსონაჟები.

სერიალის პირველი სეზონის დაწყებამდე ბევრს ეპარებოდა ეჭვი, რომ პატარა მსახიობები დიდებს კონკურენციას ვერ გაუწევდნენ და როლებს თანაბარი სიძლიერით ვერ შეასრულებდნენ. თუმცა ჯეკ გლისონი და მიესი უილიამსი არაფრით ჩამოუვარდებიან სხვებს. ამჯერად სწორად მეისის პერსონაჟზე, არიაზე შევჩერდეთ.

ეპიზოდის ყველა დამაინტრიგებელი და საინტერესო მომენტები სწორედ პატარა სტარკის გარშემო განვითარდა. ძალიან კარგად იყო გაკეთებული მამა ლანისტერის თათბირი, როდესაც მან ბოლო-ბოლო აღიარა, რომ რობ სტარკი სჯობნის და დიალოგი არიასთან.

და ბოლოს ჩვენი საიდუმლოებით მოცული Jaqen H’ghar. გრძელთმიანი სიმპათიური ახალგაზრდა, რომელიც საკუთარ თავზე მესამე პირში ლაპარაკობს. ის ლანისტერების არმიას შეუერთდა, თუმცა ეს არ გახდა იმის მიზეზი, რომ თავისი ვალი დავიწყებოდა. სიკვდილის ღმერთს არიამ სამი სიკვდილი ააცალა ცხვირწინ, როდესაც Jaqen და ორი დარჩენილი ტყვე გალიიდან გამოუშვა და როგორც ჩანს ამით სამი ჯადოსნური კაკალი მოიგო. ერთადერთი რაც უნდ ქნას, უნდა დაასახელოს სახელი და დანარჩენს მისი ახალგამოჩენილი მეგობარი მიხედავს. Jaqen-ი რომ სიტყვის კაცია, მაშინვე დადასტურდა, როდესაც სტარკის დასახელებული მწამებელი უცნაურ გარემოებებში გამოესალმა სიცოცხლეს.

შარშან, პირველი სეზონის დამთავრებამდე გახდა ცნობილი, რომ ამ ზაფხულს რეალითი შოუს მეორე სეზონს ვნახავდით. პირველი სერიის პრემიერა 12 ივნისს შედგება. პროექტში ცვლილებებია. 12-ის ნაცვლად წელს 14 მონაწილე იქნება. გამარჯვებული ისევ 7 ეპიზოდიან როლს მიიღებს.

ზაფხულამდე ახალი მონაწილეები გავიცნოთ:

Nellie (19) - მღერის რვა წელია. უკრავს პიანინოსა და გიტარაზე. მღერის ბენდში და ამასთან ბარმენიცაა. უყვარს ფოტოგრაფია.

Abraham (24) – ახალგაზრდა იურისტი ქვინსიდანმ რომელმაც გადაწყვიტა სამართლის სკოლაში ჩაბარებამდე ოცნება აეხდინა და სიმღერაში ეცადა ბედი.

Dani (23) – უკრავს გიტარაზე, წერს საკუთარ სიმღერებს. მღერის ბავშვობიდან. შარშან მოხვდა ტოპ 48-ში პროექტში “America’s Got Talent”.

Aylin (19) – მღერის 10 წელია. სწავლობს რუზველტის უნივერსიტეტში ვოკალური ჯაზის განხრით.

Ali (24) – ალი მომღერალი და მსახიობია, რომელიც სცენაზე საკმაოდ პატარა ავიდა. ის ორი წლიდან წელს ქვემოთ პარალიზებულია. ძალიან უნდა იყოს ინსპირაცია მისი მსგავსი ადამიანებისთვის.

Lily Mae (18) – ბავშვობიდან სცენაზე დგას. ბოლო ექვსი წელია მუსიკალური თეატრში მოღვაწეობს.

Shanna (21) – უკვე 17 წელია მღერის. უკრავს ტუბაზე, ტრომბონზე. მუსიკის გარდა სპორტის მრავალ სახეობასაც ფლობს.

Tyler (21) - მღერის 11 წელია. უყვარს განსხვავებული და ორიგნალური ისნტრუმენტები და მათზე დაკვრის შესწავლა.

Michael (18) – მონაწილეებს შორის ყველაზე პატარაა, თუმცა საკმაოდ დიდი გამოცდილება აქვს. მღერის 8 წელია და ბლუზ ბენდის წევრია.

Taryn (22) – 12 წელია მღერის. ეს კასტინგი მისთვის პირველი იყო. ისევე როგორ, თვითმფრინავით მგზავრობა, როდესაც LA-ის ეწვია შესარჩევი ეტაპისთვის.

Maxfield (22) – წერს და ასრულებს ქანთრის. პროექტში მონაწილეობით უნდა დაიბრუნოს გოგო, რომელიც უყვარდა და დაკრგა.

Mario (24) – ცხრა წელი ასრულებდა ეკლესიებში. ის “Morning Glory”-ის სინდრომით დაიბადა და 9 წლის ასაკში მხედველობა მთლიანად დაკარგა.

Blake (19) – უკრავს დრამზე, მაგრამ მისი ოცნება მსახიობობაა. ცოტა ხნიწ წინ ფლორიდიდან LA-ში გადავიდა საცხოვრებლად.

Charlie (22) - ჩარლი მომღერალი და მსახიობია. მას ყურადღების დეფიციტის და ჰიპერაქტივობის სინდრომი აქვს და ასევე აუტიზმითაა დაავადებული.

ლეგენდარული „გლადიატორის“ შემდეგ ბევრი ფილმი იქნა გადაღებული,ბევრმა მოსინჯა ძალები,ბევრმა სცადა იგივე წარმატების განმეორება ისტორიულ დრამასა თუ ფანტასტიკაში,მაგრამ როგორც ასეთი ჩემი აზრით „300“ ფანტასტიკურ ,ისტორიულ ბოევიკში ალბათ ეტალონია,მან ახალი ფილმის ახალი სტილი დაამკვიდრა,სწორედ ამ სტილის გაგრძელება არის „უკვდავები“,ყოველშემთხვევაში მოლოდინი იყო ასეთი.

მაგრამ ვერც იმას ვიტყვით რომ მოლოდინი არ გაამართლა,მე ველოდი სანახაობას და მივიღე ეს სანახაობა,მაგრამ სიმართლე უდნა ითქვას ,რომ სისხლის რაოდენობა „უკვდავებში“ ცოტათი თუ ჩამოუვარდება „ხერხს“.

ასევე საინტერესო სანახავი იყო ,ღმერთთა ღმერთის,მომტირალი ზევსის ნახვა,ასევე საინტერესო იყო რომ ტიტანები ,რომელიც ჰოლივუდმა მიგვაჩვია 10 და მეტი სიმაღლის არსებებად გამოიყურებოდნენ როგორც ჩვეულებრივი მოკვდავები,ოღონდ მუქ ფერებში და გაურკვეველი იარაღით ხელში რა თქმა უნდა.,ასევე მინოტავრი რეჟისორმა  Tarsem Dhandwa

წარმოგვიდგინა უბრალო ადამიანად ხარის ქუდით,სცენარი და სიუჟეტი არის ცოტა დაულაგებელი,არათანმიმდევრული,მაგრამ ეს მის ვიზუალურ სახეს ნამდვილად არ შეეხო,ფილმში ბევრი კოპირებული საბრძოლო სცნებთან ერთად რამოდენიმე ეპიკურ ბრძოლაც არის,რომელსაც „თაობები გაიხსენებენ..“

რა თქმა უნდა ეს არ არის ახალ „300“ და რა თქმა უნდა ჯობია „ტიტანების შერკინებას“ ,ეს უკანასკნელი კი არის ძალიან ცუდი,მიუხედავად ნაშოვნი ფულისა,საინტერესოა ასევე მიკი რურკის როლი(მეფე ჰიპერიონი),და საერთოდ საინტერესოა თვითონ მიკი რურკი რომელიც უბრალოდ ძალიან ცუდია ბოლო ფილმებში,ყველა როლის შესრულება ბოლო წლებში არის სტაბილურად არასაკმარისი,სხვა მხრივ  აქცენტი ფილმში გაკთებულია არა მსახიობის ოსტატობაზე,არამედ ვიზუალზე,ისევე როგორც ფილმი ზოგადად.

იგეგმება ფილმის მეორე ნაწილის ,გაგრძელების გადაღება

სასიამოვნო იქნება კიდევ ერთხელ ეპიკური ბრძოლების ნახვა.

“Garden of Bones” თავისუფლად შემიძლია ვუწოდო სერიალის ყველაზე fucked-up ეპიზოდი. ორმოცი წუთი შეშინებული ვიჯექი მონიტორთან, ბოლო რამდენიმე წუთი კი გაოცებისგან ჩამოვარდნილი ყბის გასწორებას ვცდილობდი. მაგრამ სანამ სერიის ბოლოში მივალ და ალბათ ყველაფრის შემცვლელ cliff-hanger-ზე დავიწყებ ლაპარაკს, რამდენიმე სიტყვით ტირიონს, დებ სტარკებს და მის უტირანესობას რომ არ შევეხო არ გამოვა.

მეორე სეზონის პირველივე სერიაში ნათლად აგვიხსნეს რა იქნებოდა ამ ათი სერიის მთავარი თემა. ძალაუფლება. ნუ შოუ ისედაც სამეფო კარის ინტრიგებზეა და ძალაუფლება ამ დროს პირველ ადგილზე დგას, მაგრამ ამ სეზონში უკვე აშკარად გამოიკვეთა. წინა პოსტშიც ვთქვი, რომ ლორდ ბეილიშის და სერსეის დიალოგი ალბათ ერთ-ერთი ყველაზე ეპიკ სცენა იყო მათ შორის რაც მინახავს. მაშინ დედოფალმა კარგად აგვიხსნა რა იყო ძალაუფლება. ტირიონმა პატარ-პატარა გაკვეთილებით გვასწავლა როგორ აღწევენ მას . ამ კვირის ასალექციო თემა კი შემდეგი იყო : “რატომ არ უნდა ჩავუგდოთ ძალაუფლება ხელში პატარა დაბოღმილ ბავშვს” (რომ იცოდეთ როგორ გამიჭირდა ამ წინადადების ცენზურის ფარგლებში ჩატევა). ჯოფრი ყოველ ეპიზოდში ახერხებს ახლიდან და უფრო მეტად შემაზიზღოს თავი. სანსას დასჯის სცენას კიდევ წარბშეუხრელად ვუყურე. ჯერ კიდევ ვერ ვპატიობ უფროს დაიკო სტარკს შარშანწინდელ ცოდვებს. აი ორი მეძავის სცენა იმდენად ამაზრზენი იყო , ნახევრად თვალებდახუჭულმა ვუყურე.

ნუ ის ფაქტი, რომ თავისი დის/ძმის შვილის დასაწყნარებელი ხერხი ორი gift-whore იყო, ტირიონს კიდევ უფრო მაყვარებს. Lad needs to get laid. ეგეც რომ არ შველის ეგ ვიკითხოთ. იმდენადაა დაბოღმილი, რომ რობ სტარკს ფეხებს ვერ ჭამს, ორი ქალი კი არა მეძავთა არმია ვერ დააშოშმინებს.

ბარემ რობი გავიხსენეთ და. ახალგაზრდა მებრძოლის ფეხის მოკვეთის სცენით ძალიან მკვეთრად გაესვა ხაზი კიდევ ერთ მნიშვნელოვან საკითხს. რამხელა ზარალს აყენებს ომი ხალხს და რამდენად ძნელი ხდება ცოტა ხნის მერე იმის გარკვევა, ვინაა მოგებული და ვინ წაგებული. უბრალო ხალხი თავის ტყავზე განიცდის ტახტს დახარბებულების, შურისძიების მსურველების, ტირანების სისასტიკეს.

ზემოთხსენებულ სცენაში შეხვდა რობს ახალგაზრდა ტალისა, რომელსაც ეჭვი მაქვს კიდე ვნახავთ. რობს მგონი გულში ჩაუვარდა მის მიმართ არც ისე დადებითად განწყობილი გოგონა.

ტირიონი აშკარად ყუარდღების ეპიცენტრშია წელს მოქცეული და იმსახურებს კიდეც, ისე უმწარებს სიცოცხლეს თავის დას. ჯერ იყო და სერსეის ინფორმაციის წყარო საბჭოდან გაისროლა და ეხლა უკვე თავისთვის ჯაშუშიც იპოვა. თან დიდი ტვინის მტვრევა არ დაჭირდა. კარგად იცის ჯუჯამ, რომ ქალბატონი ლანისტერი მხოლოდ ლანისტერებს კადრულობს საწოლში და ვინაიდან ოჯახის მთავარი მაჩო რობს ჰყავს დამწყვდეული, სერსეიმ ლანსელს მიაკითხა გასართობად. მეტი პრინციპში არც ჭირდებოდა ტირიონს რომ საწყალი ბიჭი გულის გახეთქვამდე შეეშინებინა.

ახალი ეპიზოდის მერე ჩვენს რუკაზე კიდევ ერთი ქალაქი შეგვიძლია დავამატოთ. Qarth. რაც უფრო გაფართოვდება ეს რუკა მით უფრო გამიხარდება. არ ვიცი ამდენ ლოკაციას, პერსონაჟების სახელებს და სხვა ათას რამეს ტვინის რომელ ნაწილში დავატევ, მაგრამ მაინც. ახალი, მდიდარი ქალაქის კარიბჭეს დანი დოთრაქიელებთან ერთად მაიდგა და მიუხედავად იმისა, რომ ხმის აწევა და გადაწვით მუქარა დასჭირდა, ბოლოს მაინც ყველაფერი კარგად დამთავრდა. ერთი სული მაქვს როდის ვნახავთ რა ხდება ამ კარიბჭის მიღმა.

თითქოს ჯოფრის სადიზმური გამოხტომები საკმარისი არ იყო, ტყვეებით ვირთხების გამოკვების სცენამ მართლა გული შემიწუხა. მაშინვე ჯორჯ ორუელის “1984″ გამახსენდა და ორმაგად ცუდად გავხდი. მამა და მარჩენალი ლანისტერი რომ არ გამოჩენილიყო გენდრის რა ბედი ეწეოდა, წარმოდგენაც არ მინდა. აი არიას რამდენად გაუმართლა არ ვიცი. მისმა ბიჭურმა ჩაცმულობამ ამჯერად აღარ გაჭრა.

ძმები ბარათეონების შეხვედრა ისეთი გულთბილი იყო, ქალბატონი სტარკი თავს ძლივს იკავებდა, რომ ყურებში არ წაევლო ხელი და თავებით არ ეხეთქებინა ერთმანეთზე. არადა მე პირადად რენლი ძალიან მომწონს. და მითუმეტეს ამ კვირაში, he was on fire.

Melisandre: You should kneel before your brother. He’s the Lord’s chosen, born amidst salt and smoke.
Renly: Born amidst salt and smoke.. Is he a ham?

ესეც რენლის იუმორის შედეგი Tumblr-ზე:

არ მგონია ხუმრობის განწყობა შერჩენოდა რენლის რომ დაენახა მისი ძმის საყვარელი წითური მუცლით რას დაატარებდა. კი უთხრა მელისანდრამ, ღამე ბნელია და ტერორითაა სავსეო, მაგრამ …

აი სწორედ ეგ “მაგრამ” იქნება, ამაღამ რომ არ დამაძინებს. გაოცებას ვინ ჩივის, შემაძრწუნა მშობიარობის (ეს სიტყვა რამდენად სწორი ფორმაა აზრზე არ ვარ) სცენამ. სხვა რა ვთქვა, სტანისს ბედნიერ მამობას ვუსურვებ.

მომავალ კვირაში შევხვდებით ^